Ginpahayag ni US Secretary of State Marco Rubio nga may yara sang katungdanan ang Saudi Arabia nga depensahan ang iya kaugalingon batok sa padayon nga mga pag-atake sang Houthi rebels halin sa Yemen.
Suno kay Rubio, pareho man ang katungdanan sang Yemeni government forces nga magdepensa kag magtinguha nga mabawi ang mga lugar nga nakuha sang mga Houthi.
Ini ang iya pahayag samtang nagadugang ang pag-inaway sa Yemen kag sa palibot sang estratehiko nga Bab el-Mandeb Strait.
Ginpahayag man ni Rubio nga may defense and security agreement ang Estados Unidos kag Saudi Arabia kag ginpahayag niya nga tumanon sang Washington ang iya mga commitment sa nasambit nga kasugtanan.
Samtang, wala naman niya ginpahayag kun ano nga espesipiko nga military assistance ang ihatag sang US.
Sa pihak nga bahin, nagreport ang Saudi Arabia sang mga pag-atake sang Houthi sa mga sibilyan, economic facilities kag iban pa nga kritikal nga lugar sa ila teritoryo.
Nagpabutyag man ang US Embassy sa Riyadh sang paandam parte sa posible nga missile kag drone attacks bangud sa nagsaka nga tensyon sa rehiyon.
