Gin-admitar sang Gilas Pilipinas head coach Tim Cone nga nadismaya siya sa kapierde sang ila team kontra Bahrain, 89-85, sa pagsugod sang 20th Asian Games sa Aichi-Nagoya, Japan.
Suno kay Cone, nagkulang ang team sa iya ginapaabot nga performance, apang gilayon sila nakapag-move on kag nagalaum nga makabawi sa masunod nga mga hampang.
Sa alas-6 sini nga gab-i, magaatubang ang Gilas Pilipinas sa Kazakhstan.
Kasubong nga may isa ka kapierde kag wala pa sing kadalag-an ang Pilipinas kag Kazakhstan sa Group C, samtang may tig-isa ka kadalag-an ang China kag Bahrain.
Base sa format sang torneo, ang top two teams sa tagsa ka grupo kag ang duha ka best third placers ang makasulod sa quarterfinals.
Importante para sa Gilas nga madaug ang Kazakhstan, kag kinahanglan man nila nga mapierde ang China agud mapalig-on ang ila tsansa nga makasulod sa quarterfinals.
