Ginarekomendar sang Koronadal City Health Office ang pagsuksok sang facemask bangud sa padayon nga haze ukon nubo nga air quality sa syudad sang Koronadal.
Sa interview sang Bombo Radyo Koronadal kay Dr. Vincent Ende, Koronadal City Health Officer, iya ginpahayag nga apisar wala pa gina-mandatory ang paggamit sang facemask, importante gihapon ini ilabi na sa mga may bronchial asthma, sakit sa tagipusuon, kag iban pa nga respiratory-related illnesses.
Suno kay Dr. Ende, ang malawig nga exposure sa haze mahimo makaapekto sa pagginhawa kag sa ikaayong lawas bangud sa mga particles nga mahimo ma-inhale sang tawo.
Bangud sini, ginapanawagan niya ang mga pumuluyo nga magsuksok sang facemask, partikular ang N95 mask, agud makaprotektar batok sa pag-inhale sang mga partikulo nga dala sang haze.
Ginarekomendar man sang City Health Office nga likawan ukon limitahan anay ang mga outdoor activities pareho sang fun run kag marathon samtang nagapadayon ang nubo nga kalidad sang hangin sa syudad.
