Ginbuyagyag sang Ukraine nga ginpalig-on sang North Korea ang military support sini sa Russia.
Suno kay Major General Vadym Skibitskiy, Deputy Head sang Ukrainian Defense Intelligence, lakip sa suporta militar ang mga drone units.
Ginpahayag niya nga ini nga tikang ginakabalak-an sang North Atlantic Treaty Organization ukon NATO.
Ginalauman sang NATO nga mahimo maglunsyar ang Russia sang mas mabaskog nga pag-atake batok sa Ukraine.
Antes sini, ginpahayag ni Ukraine President Volodymyr Zelensky nga may mga suldado halin sa North Korea nga nag-upod sa Russia sa pagpakig-away sa Ukraine.
Ginpahayag man nga nagahatag ang North Korea sang dugang nga suporta militar sa Russia.
Suno sa mga report, ginagamit na sang Russia ang mga drone nga ginhimo sa North Korea.
Ini nga mga drone ginagamit na suno pa sang Russia halin pa sang Oktubre sang nagligad nga tuig.
Nagapakita ini sang nagadugang nga kooperasyon militar sa tunga sang North Korea kag Russia.
Ginalauman nga ini nga pagpalig-on sang suporta mahimo magdugang sa tensyon kag peligro sa nagapadayon nga kinagamo sa Ukraine.
