Ginatan-aw ni anay Bayan Muna Representative Carlos Isagani Zarate nga ang alegasyon sang betrayal of public trust ukon paglapas sa pagsalig sang katawhan amo ang sentro sang Article 4 sang impeachment complaint batok kay Vice President Sara Duterte.
Sa interview sa Bombo Radyo Koronadal, ginpahayag ni Zarate nga ang mga opisyal nga nagauyat sang mataas nga posisyon sa gobyerno may mas dako nga responsibilidad sa pagpakita sang integridad, disiplina, kag pagtahod sa mga prinsipyo sang Konstitusyon.
Suno sa iya, kinahanglan nga himuon sang mga lider ang mga kinahanglanon nga tikang agud mapreserbar ang pagsalig sang publiko kag masiguro nga ginatuman nila ang ila mga katungdanan suno sa batakan nga balaod sang pungsod.
Gin-athag man ni Zarate nga nagsugod pa lamang ang prosecution sa pagpresentar sang ila mga ebidensya para sa Article 4 kag may yara pa sila sang masunod nga mga adlaw agud ipresentar ang iban pa nga mga testigo.
