Padayon ang impresibo nga kampanya ni Alex Eala matapos niya mapirdi si Mananchaya Sawangkaew sang Thailand sa iskor nga 6-3, 6-2 agud makasulod sa semifinals sang Birmingham Open sang Sabado.
Apisar nag-atubang sang mabaskog nga pagsugod halin sa Thai netter, nagpakita sang kalma kag determinasyon si Eala agud makuha ang momentum sang hampang.
Gin-dominar niya ang katapusan nga bahin sang una nga set kag nagpadayon sa iya maayong performance tubtob masiguro ang kadalag-an sa sulod sang isa ka oras kag 21 minutos.
Sa ikaduha nga set, nakapanguna pa si Sawangkaew sa 2-1 antes makabawi si Eala.
Bangud sa iya kadalag-an, naka-abanse si Eala sa semifinal round kag duha na lamang ka kadalag-an ang kinahanglan niya agud makuha ang iya ikaduha nga WTA 125 title.
Ang una niya nga korona sa amo nga lebel nakuha niya sa Guadalajara Open sang nagligad nga tuig.
Padayon man nga ginapakita ni Eala ang iya pagsaka sa internasyonal nga tennis scene samtang nagapangita sang isa naman ka dako nga titulo para sa Pilipinas.
