Una nga ipresentar sang House prosecution panel ang Article 4 sang impeachment complaint batok kay Vice President Sara Duterte sa impeachment trial.
Lakip diri ang alegasyon sang pamahog ni VP Sara kanday President Bongbong Marcos, First Lady Liza Marcos, kag anay House Speaker Martin Romualdez.
Sa isa ka interview kay Bicol Saro Party-list Rep. Terry Ridon, iya ginpahayag nga Article 4 ang ila umpisahan bangud ini ang pinakasimple nga ebidensya.
Masunod, ipresentar nila ang mga parte sa wala mapaathag nga manggad, sala nga paggamit sang confidential funds, kag bribery.
Samtang, nabaton naman sang Office of the Vice President ang summons halin sa Senate Impeachment Court.
Tubtob sa Hunyo 1 ang tion sang bise presidente agud sabton ang mga reklamo sa impeachment.
Pangunahan ni Iloilo 3rd District Rep. Lorenz Defensor house prosecution panel sa Article 4, kaupod kanday Rep. Leila De Lima, Rep. Bel Zamora, kag Rep. Gerville Luistro.
