Ginpabual ni Pangulong Ferdinand R. Marcos Jr. nga “very productive” ang iya working visit sa New York, Estados Unidos matapos niya isulong ang kandidatura sang Pilipinas sa UN Security Council, ipatigayon ang katungdanan sang kababaihan, kag hikayaton ang mga Amerikano nga investors nga magnegosyo sa pungsod.
Sa iya pagdalo sa ika-70 nga sesyon sang Commission on the Status of Women, ginpabug-atan sang Pangulo nga nasusukot ang matuod nga pag-uswag sang pungsod sa kahimtang kag gahum sang kababaihan.
Gintalakay man niya ang importansya sang edukasyon, pagkahiliusa batok sa karahasan sa kababaihan, kag ang ila partisipasyon sa paghimo sang desisyon.
Nakipagpulong man si Marcos kay UN Secretary-General António Guterres, kun sa diin ginpabutyag niya ang padayon nga suporta sang Pilipinas sa United Nations kag multilateralism.
Sa atubang sang mga miyembro sang UN General Assembly, ginpabug-atan niya ang kahalagahan sang rule of law kag ang mapisan nga pagresolbar sang mga lalis.
Ginpanumbalik man sang Pangulo ang hangarin sang Pilipinas nga mangin non-permanent member sang UN Security Council para sa termino sang 2027–2028 agud mabigyan boses ang Indo-Pacific, mga developing, kag climate-vulnerable nga pungsod.
Samtang sina, nakigkita man si Marcos sa pila ka business leaders, lakip na ang U.S. Medical Glove, nga naga plano magtukod sang manufacturing facility sa pungsod nga posible makahatag sang sobra 2,000 ka trabaho. Nakigpulong man siya sa mga opisyal sang J.P. Morgan agud talakayon ang kooperasyon sa ekonomiya kag mga isyu nga pandaigdig nga nagaapekto sa financial markets.
