Inihayag ni US President Donald Trump na ang Cuba ang susunod niyang layunin matapos ang Iran. Ayon sa kanya, malapit nang mapabagsak ang Cuba, isang isla na pinamumunuan ng komunista at pinahina ng energy blockade na ipinataw ng Amerika.
Simula pa noong Enero 9, hindi na nakatanggap ng oil shipment ang Cuban state, na nagdulot ng suspensyon ng flights ng mga airline papuntang isla at lalo pang nagpabigat sa kanilang matagal nang krisis sa ekonomiya.
Inakusahan ng Cuba si Trump ng intensyon na ipitin ang kanilang ekonomiya. Sa isang panayam, sinabi ni Trump na ang Cuban government ay desperado na magkaroon ng kasunduan sa Amerika pagkatapos ng digmaan laban sa Iran. Ayon pa kay Trump, si US Secretary of State Marco Rubio ang magsisilbing “point man” niya para sa Cuba.
Si Trump at Rubio ay parehong anak ng Cuban immigrants at hayagan nilang ipinapahayag ang hangaring mapalitan ang kasalukuyang rehimen sa Cuba, tulad ng ginawa nila sa rehimen ni Venezuelan President Nicolás Maduro na kalaban ng US.
Noong 2015, namagitan ang Simbahang Katolika bilang mediator sa pagitan ng US at ng Cuban Government. Nanawagan si Pope Francis ng pagpapatuloy ng diplomatic relations sa US sa ilalim ni dating President Barack Obama. Nakipagnegosasyon din ang Vatican para magkaroon ng kasunduan sa pagitan ng Cuba at ng administrasyon ni US President Joe Biden, kung saan pinalaya ang daan-daang political prisoners kapalit ng pagtanggal sa Cuba mula sa terror list ng US.
Subalit, sa unang araw ng kanyang panunungkulan noong Enero 2025, ibinalik ni Trump ang Cuba sa terror list ng Amerika.
