Sa isa ka relasyon, duha lang dapat ang imbolbado, apang lain ang set-up nga luyag sang isa ka lalaki nga si alyas “Bob” bangud suno sa iya, bukas siya sa ideya nga ipaambit ang iya nobya sa iban bilang kabahin sang ginatawag nila nga open relationship ukon consensual non-monogamy, nga nagakinahanglan sang klaro nga kasugtanan kag pagsugot sang duha ka panig.
Suno kay Bob, tatlo na ka tuig sila nga nagarelasyon kag isa na ka tuig halin sang ginpili nila ang amo nga setup matapos nila gin-istoryahan ang posibilidad sang bag-o nga eksperyensya nga suno pa makapabakod sang ila relasyon.
Ginpahayag niya nga ang maayo nga komunikasyon kag paghangupay amo ang susi agud malikawan ang selos.
Nagbutang man sila sang klaro nga mga limitasyon agud indi masakitan ang balatyagon sang kada isa, bisan pa nga ginatugutan ang pagpakigrelasyon sa iban samtang nagapadayon ang ila relasyon—nga ginlaragway niya bilang “third party nga may lisensya.”
Suno sa mga eksperto, indi ini bagay sa tanan kag nagakinahanglan sang mabakod nga pundasyon sang paghangupay kag tinutuyo nga pagsugot sang magpartner.
