Ginpahayag ni Senador JV Ejercito, chairperson sang Senate Committee on Ethics and Privileges, nga indi siya dapat basulon sa kakulangan sang aksyon sa mga nagapabilin nga ethics complaints bangud wala pa ini napormal sa plenaryo ang amo nga komite.
Suno sa senador, siya lamang ang gin-appoint nga miyembro sang komite kag wala pa ini sang nagakaigo nga numero sang mga miyembro agud makapulong kag makatigayon sang aksiyon.
Ginpahayag niya nga sang Oktubre 2025 lamang siya gin-appoint bilang chairperson, isa ka adlaw antes mag-adjourn ang Senado.
Sang nagbalik naman ang sesyon, gilayon nga ginpokus sang mga senador ang ila atensyon sa budget deliberations.
Dugang pa sa ginpahayag ni Ejercito nga mag-inhibit siya kun talakayon ang reklamo nga ginpasang-at batok sa iya.
