Nagplead sang not guilty ang contractor nga si Sara Discaya kag siyam ka iban pa sa kaso nga graft kag malversation of funds batok sa mga ini sa isa ka korte sa Cebu.
Gin-arraigned sanday Discaya, Maria Roma Rimando kag walo ka iban pa nga mga engineers sang Department of Public Works and Highways (DPWH) sa Lapu-Lapu Regional Trial Court Branch 27.
Nagproceed ang arraignment pagkatapos gindismiss sang korte ang motion to quash information kag motion to transfer custody sang napulo ka mga akusado pabalik sa National Bureau of Investigation (NBI).
Samtang, suno kay Atty. Paul Sato, legal counsel sang DPWH officials, nagretire na si Joel Lumogdang, chief sang Construction Section sang DPWH Davao Occidental, sang Mayo 16, 2025.
Ginpresentar naman ni Atty. Joseph Randi Torregasa nga isa na ka retiree ang iya kliyente nga si Rodrigo Larete apang wala pa ini nakahatag sang mga dokumento nga nagapamatuod diri.
Ang pre-trial ang natalana sa Pebrero 3, 2026.
Sang Disyembre 2025, ginfile sang Office of the Ombudsman ang mga kaso batok kay Discaya sa Digos Regional Trial Court, nga gintransfer naman sa Lapu-lapu Regional Trial Court.
