-- ADVERTISEMENT --
Natalana nga pirmahan ni Pangulo Ferdinand Marcos Jr. sa una nga semana sang Enero ang national budget sang 2026. Ginkumpirma ini ni Executive Secretary Ralph Recto, nga pirmahan sang Pangulo ang P6.793-trillion nga budget para sa tuig 2026.
Paagi sa sini nga tikang, mangin may re-enacted budget ang pungsod sa sulod sang pila ka adlaw, kun sa diin ginamandato ang gobyerno nga gamiton liwat ang pina ka ulihi nga gin-aprubahan nga national budget tubtob mapirmahan na ang bag-o nga spending bill agud mangin isa ka balaod.
Madumduman nga ginpahayag sang Kongreso nga target nila nga maratipikahan ang 2026 spending plan sa Disyembre 29 ukon duha ka adlaw antes tuluyang mapaso ang kasubong nga budget.
