Ginpanawagan sang Ban Toxics ang Department of Environment and Natural Resources–Environmental Management Bureau (DENR-EMB) nga mangin husto ang paggiyá kag pagtudlo sa Philippine National Police (PNP) sa nagakaangay nga pag guba kag pagdisposal sang mga palupok nga ila ginakumpiska sa ila mga serye sang operasyon.
Ginhimo sang advocacy group ang panawagan bangod ginapaabot nga madamo gid nga iligal nga palupok ang nakumpiska sa bug-os nga holiday season.
Ginpahayag ni Ban Toxics advocacy and campaign officer Thony Dizon nga kinahanglan magpagwa ang DENR sang klaro kag angay nga mga guidelines nga masunod sang PNP para sa disposal ukon paghaboy sang mga palupok.
Siling niya, may nagakaangay nga treatment kag storage para sa mga naguba nga palupok, kag indi lang ini dapat e haboy sa bisan diin nga basurahan.
