-- ADVERTISEMENT --
Ginalauman nga magpatuman sang pag buhin sang presyo ang mga kompanya sang gatong sa ila mga produkto sa masunod nga semana.
Base sa apat ka adlaw nga monitoring sang Department of Energy (DOE), ginapaabot ang pagbuhin nga tubtob P1.20 kada litro sang gasolina.
Samtang, ang diesel ang mangin may tubtob P1.70 nga buhin kada litro, kag ang kerosene naman ginapaabot nga magnubo tubtob P1.75 kada litro. Isa sa ginakabig nga rason sang DOE sa pag nubo sang presyo amo ang ginapatun-an nga pag-areglo sa tunga sang Russia kag Ukraine.
Sa adlaw sang Lunes mahibaluan ang eksakto nga kantidad sang pag buhin sang presyo, nga ipatuman sa Martes.
