Isa gid sa mga kinahanglanon bilang isa ka atleta amo ang disiplina.
Ini ang nangin pahayag ni Arlan Arbois Jr., ang silver medalist sa Athletics | Mens’s Marathon sa nagapadayon nga 33rd Southeast Asian Games sa Thailand, sa interview sang Bombo Radyo Koronadal.
Suno kay Arbois, kinahanglan may insakto nga tulog kag insakto nga pagkaon, nga nagadepende sa calories nga ginabawas kada training agud indi mag-overfatigue ukon ma-dehydrate ang lawas, nga ginakabig bilang importante nga teknik sang isa ka marathoner.
Dugang pa niya, ginalikawan man niya ang pag-inom sang mga alcoholic nga ilimnon, kag isa gid sa pinakaimportante amo ang paghatag sang oras sa training halin sa aga, hapon, kag gab-i.
Suno pa sa iya, kada marathon player kinahanglan mabal-an ang event area antes magkompetisyon agud makapreparar.
Sa ulihi, nagpasalamat ini sa tanan nga nagapadayon sa paghatag sang supporta saiya, ilabi na saiya pamilya kag saiya nga special loved one.
