Sa pala-abuton nga Christmas kag New Year, preparado na ang Bureau of Fire Protection Koronadal sa pagresponde kag pagpahinumdom sa publiko kontra sunog.
Ini ang nangin pahayag ni FO1 Ronhel Nambatac sa interview sang Bombo Radyo Korondal.
Suno kay Nambatac, ila na ginamaximize ang Oplan “Iwas Paputok” paagi sa pagdeploy sang personnel sa public areas nga may baligya nga fireworks kag firecrackers.
Suno man saiya kinahanglan man nga may kahibalo ang tanan sa pag-usar sang fire extinguisher gamit ang TPASS Method, Twist the pin, Pull the safety pin, Aim the base, Squeeze the lever kag Sweep the Nozzle.
Magalibot naman ang BFP personnel para mag-check sang mga lugar kag masiguro nga may naga-bantay sa Christmas kag New Year.
Nagapanghatag man sila leaflet sang fire safety tips.
Ginapanawagan man sa publiko nga indi mag-una post sa social media, kundi magtawag dayon sa 24/7 BFP Koronadal hotline: 0909-777-0744.
