Back to back win para sa Pilipinas ang pagdaug ni Emma Tiglao sa Miss Grand International 2025 nga ginhiwat sa Bangkok, Thailand. Ginkoronahan si Emma sang outgoing Miss Grand International 2024 nga si CJ Opiaza, pareho halin sa Pilipinas.Pagkatapos koronahan si Emma, nagtokar ang pambansang awit sang Pilipinas sa venue, kag ginsundan ini sang iya una nga walk bilang Miss Grand International 2025.
Antes sini, sa Top 10 speech ni Emma, naghambal siya batok sa korapsyon nga nagakatabo sa Pilipinas kag iban pa nga importante nga isyu. Sa evening gown competition naman, gindayaw si Emma sa iya ginasuksok nga kolor orange nga gown nga may matching feather cape nga ginhimo ni Rhian Fernandez.
Ginbutang bilang 4th runner up ang Venezuela; 3rd runner up ang Ghana; 2nd runner up ang Spain; kag 1st runner up naman ang Thailand.
