Ginpaidalom sa martial law ang walo ka mga distrito sa Thailand nga nagatambi sa Cambodia.
Ini ang ginkumpirmar sang mga otoridad sa nasambit nga pungsod bangud sang padayon nga engkwentro sang duha ka pungsod.
Suno kay Apichart Sapprasert nga commander sang Border Defense Command sa mga probinsya sang Chanthaburi kag Trat nga ang martial law ang epektibo na sa pito ka distrito sang Chanthaburi kag sa isa ka distrito sang Trat.
Nagpa-andam naman si Thai acting Prime Minister Phumtham Wechayachai ang ang engkwentro ang magalala pa sa gyera.
Sa subong, 15 na ang na-report nga napatay sa Thailand nga ginalakipan sang 14 ka mga sibilyan kag isa ka soldado kag 46 naman ang pilason.
Sa bahin naman sang Cambodia, isa ang gin-report nga napatay kag lima ang pilason.
