-- ADVERTISEMENT --
Naga alarma na ang Philippine Embassy sa Abu Dhabi kag ang Philippine Consulate General sa Dubai kag Northern Emirates tungod sa pagtaas sang kaso sang human trafficking nga naga-apekto sa mga Pilipino.
Partikular nga apektado ang mga Pinoy nga ginagamit ang United Arab Emirates, labi na ang Dubai kag Sharjah, bilang transit points.
Suno sa embahada, ang mga lugar nga ini amo ang ginapangunang mga daan padulong sa trafficking routes nga nagapadulong sa Kurdistan, Iraq.
Sa subong, nagadamo ang kaso sang white slavery sa Iraq.
Bangud sini, nagapanawagan ang Embahada kag Konsulada sa mga Pilipino sa UAE nga magpabilin nga mapisan kag magreport sang bisan anong illegal recruitment ukon human trafficking nga nagakatabo sa nasambit nga lugar.
