Nagpanindugan si Iranian President Masoud Pezeshkian nga indi na niya luyag nga palawigon pa ang ila giyera batok sa Israel.
Apang, preparado sila nga magabalos sa bisan ano nga pag-atake sa ila teritoryo.
Ginhimo sang Iranian President ang pahayag matapos siya tawgon ni Turkish President Recep Tayyip Erdogan.
Suno sa iya, indi sila ang nagsugod sang giyera, kag tungod sini, madamo na nga mga sibilyan ang napatay, upod na ang pila nila ka scientist kag military leader.
Nagpahayag man siya nga ang ila pag-sali sa nuclear talks upod sa US magadepende lang kon untaton sang Israel ang ginahimo sini nga mga atake.
Ginpasalig man sang Presidente sang Turkey nga handa sila magpatunga agud matapna na ang giyera kag mapahagan-hagan ang tensyon sa tunga sang Israel kag Iran.
Madumduman nga May 24 na ka tawo ang napatay sa Israel samtang 592 ang pilason, kag sa pihak nga bahin, sa Iran, naglab-ot na sa 224 ka tawo ang napatay halin sang nag-umpisa ang pag-atake sang Israel sang Biyernes.
