Ginpahugtan sang Maguindanao Police Provincial Office (PPO) kag ginpalapta sini nga security measure sa banwa sang Datu Odin Sinsuat, kasubong sang protesta nga ginlunsyar sang mga Automated Counting Machine (ACM) kag iban pa nga importante nga election material.
Sa official statement nga ginpagwa ni PCol. Eleuterio Ricardo, ang PD sang Maguindnao Del Norte PPO, nakatuon nga lakip sang pulisya ang mga miyembro sang Armed Forces of the Philippines (AFP) agud masiguro nga mabantayan ang sitwasyon.
Naglunsyar suno pa sang security forces sang heightened security measure sa nasambit nga lugar agud mahatagan sang matawhay kag hapsay nga diskusyon, diyalogo kag serye sang negosasyon.
Nagsilbi suno pa sang prayoridad ang hapsay kag kapakanan sang mga indibidwal, lakip man ang pag-usad sang eleksyon sang wala sing kabalaka ukon maapektuhan.
Importante suno pa nga makapangita sang madason nga solusyon kag magapadayon ang proseso sang eleksyon.
Ginapakalma man sang awtoridad ang publiko kag ginahanumdom ang pasensya, samtang ginpangitaan sang solusyon ang nasambit nga problema.
Gin-apela sang PPO sa publiko, nga igapadayon suno ang pagmonitor sa sitwasyon, kaupod ang Comelec, AFP, kag iban pa nga ahensya.
Samtang, kaina alas 12:20 sang ugto nga suno pa wala nag-umpisa ang piniliay sa Datu Odin Sinsuat, Maguindanao del Norte.
