Naglunsar sang airstrike ang Israel batok sa mga Houthi rebels sa Yemen.
Ginhimo sang Israel ang amo nga atake isa ka adlaw matapos nga maigo sang missiles sang Houthi ang ila paliparan.
Nag-abot sa 30 ka mga fighter jets ang gin-gamit sang Israel agud pagbubuan sang missiles ang Yemen.
Una na nga ginpahayag ni Israeli Prime Minister Benjamin Netanyahu nga indi nila palampason ang ginpatigayon nga atake sang Houthi Rebels.
Ginkondenar naman sang Hamas ang ginbuhat nga atake sang Israel sa Yemen kun sa diin madamo ang nadamay.
Samtang, naghinugas-kamot ang US kag nagsiling nga wala sila nagupod sa Israel sa pag-atake sa Yemen.
Nahinumduman nga ginlatigo sang Israel ang Hodeidah kun sa diin ila gintarget ang isa ka concrete factory nga naga-suporta sa mga military industry sang Houthi.
