Patay na sang nasapwan ang isa ka Indian national sa bahin sang Purok Maligaya, Barangay San Isidro, Siyudad sang Koronadal sang Abril 27, 2025, 12:45 sang kaagahon.
Ginkilala ang biktima nga si Manpreet Singh, yara sa legal nga pangedaron isa ka Indian National kag residente sang Purok Masagana 2, Barangay Santo Niño, Koronadal City.
Suno sa Koronadal City PNP, isa ka tawag ang ila nadawat halin sa BPAT sang nasambit nga Barangay angot sa insidente sang pagpamusil.
Madason man ini ginrespondihan sang kapulisan kag nakumpirma ang patay nga lawas sang biktima.
Naka-angkon ini sang igo sang bala sa nagkalain-lain parte sang iya lawas ilabi na sa iya likod nga nangin rason sang iya kamatayon.
Tatlo suno pa ka basyo sang bala kag ang motor sini nga Honda Click ang narekober sa crime scene.
Sa karon, padayon ang ginahimo nga imbestigasyon sang kapulisan angot sa motibo kag likod sang nasambit nga pagpangluthang.
