Masobra sa 250,000 ka tawo, naghatag kay Pope Francis sa sulod sang tatlo ka adlaw nga public viewing

Masobra sa 250,000 ka tawo ang naghatag pasidungog sa nagtaliwan nga lider sang Simbahang Katolika nga si Pope Francis sa sulod sang tatlo ka adlaw nga public viewing sa St. Peter’s Basilica sa Vatican City, Rome, Italy.

Naghalin pa sa nagkalain-lain nga pungsod ang mga Katoliko nga tumuluo, upod ang mga lider sang simbahan kag pulitika, agud maghatag sang ila katapusan nga pagpanamyao sa Santo Papa sa public viewing nga nagtapos sang gab-i sang Biyernes, Abril 25, sa tion nga opisyal nga ginsiraduhann ang kabaong sang Papa sa isa ka liturgical rites antes ang state funeral sa St. Peter’s Square kag ang iya lubong subong nga adlaw, Sabado, Abril 26, sa basilica nga yara sa gwa sang Vatican.