Patay ang duha ka indibidwal samtang pito naman ang pilason sa nagluntad nga salpukanay kahapon, Abril 4, 2025, banda 5:45 sang hapon sa National Highway sang Brgy. Impao, Isulan, Sultan Kudarat.
Suno sa datos sang kapulisan, lakip sa mga napatay amo sanday Charlie Mae Malacapay,40-anyos, kag isa ka bata nga babae nga ginkilala nga si Aliya Angel Malacapay,8-anyos nga amo ang sakay sang isa ka MG Sedan.
Nakaagom naman sang pilas ang driver sang Sedan nga ni Nelson Mijares Malcapay, 46-anyos, may asawa kag ang pipila pa sini nga pasahero nga sanday Merlyn Flores, 63-anyos,Shamona Flores, 17; Jesil F. Lopez, 36; Jonela F. Lopez, 7; at Connie Sanico, 62 nga lunsay mga residente sang Purok Samadinalagon, Brgy. Daladap, Esperanza, Sultan Kudarat.
Pilason man ang driver sang pick-up van nga si Joven Ampo Catubo, 29-anyos, may asawa kag residente sang Purok 9, Brgy. Poblacion, Tacurong City.
Sa subong, padayon pa ang imbestigasyon sang kapulisan agud matumod ang nangin tunaan sang aksidente.
