Gin-anunsyo sang Armed Forces of the Philippines subong nga Miyerkules, Marso 5, 2025 nga nakit-an ang missing nga FA-50 fighter jet kag 2 ka bangkay sang crew members sini sa Mount Kalatungan, probinsya sang Bukidnon.
Nasapwan malapit sa wreckage site ang bangkay sang 2 ka piloto mga alas-11:00 kaina sang aga, suno kay AFP Eastern Mindanao Command commander Lt. Gen. Luis Rex Bergante.
Na-missing ang nasambit nga fighter jet samtang naga-patigayon sang mission nga maghatag sang air support para sa mga tropa nga nagapakigbato sa mga rebeldeng komunista sa northern Mindanao.
Ginpahayag ni Philippine Air Force spokesperson Col. Ma. Consuelo Castillo sang damlag lang, nga nadula ang komuniskasyon sang nasambit nga fighter jet sa iban pa nga aircraft nga involve man sa nasambit nga mission pila na lang ka minutos antes ini mag-abot sa target area.
Ika-lima sa pinakamataas nga bukid sa Pilipinas ang Kalatungan nga may kataason nga 2,880 meters above sea level. Madamo nga mga FA-50 jet fighters ang ginbakal sang Pilipinas sa South Korea sang tinalikdan nga mga dekada
