Pormal na nga nagpanumpa bilang ika-47 nga presidente sang US si Donald Trump.
Ginapangunahan ni Chief Justine John Roberts ang pagpanumpa ni Trump sa sulod sang Capitol Rotunda.
Magluwas sa Abraham Lincoln bible nga gingamit sa panumpa, gingamit sini ang iya nga personal nga bibliya.
Ang nasambit nga bibliya ang iya gingamit man sang una nga termino bilang presidente sang tuig 2017.
Matapos ang pagpanumpa, nagpalupok sang canyon ang US military bilang tradisyon sa pagpasidungog nila.
Ginhiwat sa sulod sang Capitol Rotunda ang pagpanumpa bangod sa malamig mga paniempo sa gawas.
Madumduman nga madugay na sang liwat ginhiwat ang indoor nga pagpanumpa sa tion pa ni anay US President Ronald Raegan sang 1981.
Antes ang pagpanumpa ni Trump, nanumpa man bilang iya nga bise presidente si JD Vance nga ginpangunahan ni Supreme Court Justice Brett Kavanaugh.
Nagtambong sa nasambit nga pagpanumpa ang mga napili nga magabuo sa iya nga gabinete amo man ang sa dati nga mga presidente sang US kag ang ila nga mga asawa.
