Ginapa-athag sang grupo sang Federation of Free Farmers (FFF) ang National Food Authority (NFA) angot sa rason nga pagutok sang mga bodega sini.
Ini ang kasunod man sang plano sang Department of Agriculture (DA) nga pag-decongest sa mga bodega sang ahensiya pamaagi sang pagbaligya sang 300,000 tonelada sang mga bugas nga parte sang buffer stock sang pungsod.
Ini ang isa sa mga nagapanguna nga rason kung ngaa plano sang DA nga ideklara ang food security emergency sa pungsod.
Pamalibad sang grupo sang mga mangunguma, ang tanan nga bodega sang NFA ang may kabug-usan nga storage capacity sa 1,200,000 tonelada sang palay ukon bugas.
Madumduman nga sa una nga pahayag sang DA ang naglab-ot sa 300,000 metric tons sang mga bugas nga masobra duha ka bulan na nga yara sa bodega sini ang target nga mabaligya sa mga lokal nga gobyerno.
Nagapati man ang DA nga ang pagpagwas sa naasmbit nga mga bugas ang makabulig agud mapanaog ang presyo sini, parte nga pangunahan ang problema sa karon nga rice industry sang pungsod.
