Ginkumpirma sang National Food Authority nga nakatalana nila nga igabaligya sa mga lokal nga gobyerno ang yara sa masobra 500,000 nga sako sang bugas nga madugay na nga bastante sa ila nga mga warehouse.
Tuyo sining tikang ang mapadasig ang pagdispose sang nasambit nga bugas agud indi ini maguba.
Suno kay NFA administrator Larry Lacson, igabaligya nila ini sa mga lokal nga gobyerno nga mas barato nga balor ilabi na sa parter sang Metro Manila.
Base sa Republic Act No. 12078 nga ginamyendahan sang RA 11203 ukon mas ginatawag sa Rice Tariffication Law, ang bugas nga nagalab-ot sa masobra isa ka bulan nga nakabastante ang kinanglan nga idispose.
Nakatalana man nga magsinapol ang NFA council agud pakigstoryahan kung pila ang igabaligya sang NFA nga bugas per kilo sa mga LGU.
