Nakabalik na sa Pilipinas ang 13 ka mga Pinay nga buntis nga gin-preso sa Cambodia tungod sa ilegal nga pagiging surrogate mothers sa nasambit nga pungsod.
Suno sa ginpaguwa nga pahayag sang Department of Foreign Affairs (DFA), ginhatagan sang silot ang 13 ka mga Pilipina sang Disyembre 2 sang karon nga tuig bangud sa paglapas sa Suppression of Human Trafficking nga batas sang Cambodia.
Bangud sa padayon nga pagpakig-angot sang ahensya, nakabaton sang pardon ang mga ini kag gilayon nga ginpaguwa para sa ila kaugalingon nga immidiate repatriation.
Nagpasalamat naman ang DFA sa paghatag sang pardon ni Haring Preah Bat Samdech Preah Boromneath Norodom Sihamoni sa 13 ka mga Pinay.
Samtang, nagpadala man sang bulig ukon humanitarian treatment ang royal government sang Cambodia agud buligan ang mga Pilipina sa proseso sang ila mga kaso.
Indi naman ini ang una nga beses nga nag-abot sang amo sini nga insidente nga may kalabutan sa ilegal nga surrogacy nga ginlakipan sang mga Pinay ang naitala sang DFA.
Padayon naman ang ahensya sa pagpahinumdom nga may mga pungsod lakip na ang Cambodia kon sa diin ginadumili ang surrogacy kag ang bisan sin-o nga maglapas sa idalom sang Cambodian law.
