Personal nga na-eksperyensiyahan ni World Health Organization (WHO) Director-General Tedros Adhanom Ghebreyesus ang pag airstrike sang Israel sa Yemen.
Suno saiya nga samtang nagasakay na sila sa eroplano halin sa Sanaa Airport sang ginhimo sang Israel ang airstrike.
Duha ang napatay kag isa ka crew sang eroplano ang napilasan.
Na-damage ang air traffic control tower kag departure lounge.
Nakaligtas man ang mga kaupdanan niya sa United Nations kag WHO kon diin kinahanglan pa nila nga hulaton nga ma-ayo ang mga naguba sa airport para sila makahalin.
Yara sa Yemen ang WHO chief para sa negosasyon sang pagbuya sang staff sang UN kag obserbahan ang kahimtangan sang nasambit nga pungsod.
Madumduman nga sang Hunyo, 13 ka mga staff members sang UN ang gin-preso sang Houthis sa Yemen matapos ang ila ginhimo nga crackdown.
