Nagtigana sang P1.1 million pesos ang pamunuan sang syudad sang Koronadal agud nga preparahan sang Paskoronadal 2024 sa diin tuigan na nga seremonya sang syudad sa tion sang kapaskuwahan.
Sa interview sang Bombo Radyo Koronadal kay Koronadal City Mayor Atty. Eliordo Ogena, ginhatagan sini sang ligwa ang tuigan kag naandan na nga selebrasyon sang Koronadaleños nga pagpakita sang kasdya sang kapaskwahan sa syudad pinaagi sa pagpang butang kag pagpang dekorar sang pila ka mga naga panguna nga mga pampubliko nga lugar sang syudad agud nga mapakita sa tanan kun anu kasadya kag madinuagon ang paskua sa Koronadal.
Gin pahayag man sini nga mas manubo ang alokasyon sang syudad sa decorayon bangud sa mga recycled nga mga decorasyon sang syudad sang naglalabay pa nga mga tinuig.
Ginpapahayag man sini nga opisyal nga paga-pasigahon sang Christmas Decorations sang syudad sa December 16 2024 kag magadugay kutob sa December 21 2024.
Naga pati naman ang alkalde nga mangin malinong kag masadya ang selebrasyon sang kapaskwahan sa syudad sang Koronadal
