Tuyo nga palapadaun sang Pilipinas ang partnership sini sa renewable energy kag nuclear energy sa United Arab Emirates (UAE).
Nakasaad sa Memorandum of Agreement (MOA) sang Pilipinas kag UAE ang magin kolaborasyon sini pag-abot sa liquefied natural gas bilang fuel; Paghimo sang kuryente; Transmisyon; Power generation; Nuclear energy; Energy efficiency and Conservation, kag mga alternatibo nga Fuels, kag Emerging technologies.
Ang nasambit nga kasugtanan ang natabo sa tunga sang Department of Energy (DOE) kag UAE Energy and Infrastructure kung sa diin ginhiwat ang working visit ni Presidente Ferdinand Marcos Jr. sa UAE nagligad nga binulan.
Samtang, naistoryahan man ni PBBM kag UAE President Mohamed bin Zayed Al Nahyan ang pag promote sa Pilipinas bilang nagapanguna nga destinasyon para sa mga arabo nga gusto nga maginvest sa pungsod.
