KORONADAL CITY – Normal lang sa pulitika ang pagguba kag pagpagwas sang mga kalain sa kontra sini paryas sa mga political leaders nga ila ginakalaban ang tawo nga makit-an nila nga threat saila ilabi na palapit na ang miderm election.
Sa Palaabuton nga midterm election diri makit-an kung ano ka kusog ang supporta para sa presidente sa karon ini ang nagin pahayag ni Atty. Jasper Kent Perez isa ka Lawyer sa interview sang bombo radyo Koronadal.
Suno ka Atty Perez bangod nakita nila nga si VP Sara kusog giyapon ang supporta ilabi na sa Mindanao kag Visayas, gina himuan nila pamaagi nga mag-iba ang perspective sang katawhan sa Bise Presidente nga isa ka normal lang nga ginahimo sa pulitika.
Dugang niya pa ang katawhan gid ang apektado sa nagakatabo sa karon sa tunga sang duha ka mataas nga lider sa pungsod, bangod sini ang atensyon sang katawhan nadula na sa mga programa nga dapat tagaan sang importansya sang gobyerno apang nagatutok nalang ang kadam-an sa mga away kag indi pagka-intidihanay sang duha ka lider.
