Ginpartisiparan sang nagkalain-lain nga mga indibidwal, grupo, organization, estudyante kag madamo pa nga iban ang pahiwat sang Dugong Bombo sang Bombo Radyo Philippines Foundation kaupod na ang Philippine Red Cross.
Ginpatigayon ang aktibidad sa KCC Mall of Marbel Event Center sa 4th floor, nagumpisa sang 8 sang aga nga nagtapos sang 5 sang hapon kahapon nga adlaw.
Sa pagbuliganay naton tanan, nakakolekta ang Bombo Radyo Koronadal sang 76,500CC ukon 20.21 US gallons sang hamili nga dugo sa ginpatigayon nga Dugong Bombo 2024 kung sa diin aton na beat ang rekord sang mga donor naton sang nagligad nga tuig, ini man ang pagpasalamat sang Philippine Red Cross South Cotabato Chapter sa tanan nga makabulig ang nasambit nga aktibidad sa suplay sang dugo para sa mga taga South Cotabato.
Nagapasalamat man sa karon ang Bombo Radyo Koronadal sa tanan nga nag partisipar indi lang sa mga successful blood donor pati man sa tawo nga nagpacheck apang wala na qualify agud makadonar sang ila hamili nga dugo, ilabi na sa mga sponsors naton nga nagsupporta agud matapatigayon ang ini nga aktibidad padayunon naton ang pagbulig sa isig katawo.
Ginapasalamatan man sang Bombo Radyo Koronadal ang Notre Dame of Marbel University- Medtech Department amo ang bleeders kaupod sang Philippine Red Cross.
