Madumduman nga Si Payne nakit-an nga patay sang Oktubre 16 pagkatapos nga mahulog gikan sa balkonahe sang iya nga kuwarto sa CasaSur Hotel sa kapital sang Argentina.
Suno sa prosecutor nga tatlo ka tawo ang gin-akusahan nga naghatag sa iya sang droga kag ang isa sa ila gin-akusahan man nga nagpabaya sang isa ka tawo nga yara sa delikado nga kahimtangan.
Ginpahayag man sang mga prosecutor nga si Payne nakit-an nga may yara ini sang paggamit sang droga, makahululubog nga ilimnon, cocaine, kag isa ka reseta nga antidepressant sa iya lawas.
Ang autopsy nagpakita nga siya napatay pagkatapos nga matrauma ini kag may yara sang internal kag external hemorrhaging bangud sa pagkahulog.
Dugang pa sang prosekusyon nga ang imbestigasyon nagpakita sang “illegal conduct” nga nagdala sa pagpasaka sang mga kaso batok sa tatlo ka tawo, nga wala nila ginpangngalanan kag isa sa tatlo nag-upod sa iya adlaw-adlaw sa panahon sang iya pag-estar sa Buenos Aires kag gin-akusahan nga nagbiya sang tawo nga napatay lakip na ang paghatag sa iya sang mga droga.
Ang ikaduha nga suspek amo ang isa ka empleyado sa hotel nga gin-akusahan nga duha ka beses nga naghatag kay Payne sang cocaine samtang nag-estar siya sa CasaSur kag ang ikatlo nga tawo gin-akusahan naman nga naghatag sa iya sang droga sang Oktubre 14, duha ka adlaw antes sang iya kamatayon.
Ang iya kamatayon sa edad nga 31 nagdala sang pagpangasubo kag pagpakigsimpatiya halin sa pamilya, mga kaupod sa banda, mga fans, kag iban pa.
