Yara sa di makulang 57 foreigners kag 358 Filipinos ang nakit-an sa sulod sang Philippine Offshore Gaming Operator (POGO) hub sa Bagac, Bataan amo gina suspetyahan nga naga imbolbar sang iligal nga aktibidad.
May dala nga search warrant nga gin-isyu sang korte sa Malolos, Bulacan, ang katapo halin sa Presidential Anti-Organized Crime Commission (PAOCC), Philippine National Police kag Armed Forces of the Philippines, sa bahin sang Centro Park isa ka dako nga compound sa Barangay Parang.
Suno sa executive director Undersecretary Gilbert Cruz sang Presidential Anti-Organized Crime Commission (PAOCC), gin raid ang Central One bangud may yara sang mga report nga ini isa ka POGO.
May yara sang gi makulang 900 katawo kalakip na ang di magkulang 300 foreigners ang naga ubra amo mga Chinese, Vietnamese, kag Malaysian nationals kag ang 600 naman ang mga Filipino.
Suno sa imbestigasyon, ang mga lider kag incorporators sang POGO firm ang 10 Chinese, 4 Malaysians kag 2 ka Thai National kag nahibal-an nga ang isa ka mga boss isa ka Chinese national nga ginkilala nga si Chen Hao.
Suno pa kay PAOCC spokesman Winston John Casio, ang nasambit nga kompanya nga Central wala sang permit halin sa Philippine Amusement and Gaming Corp., amo ang rason nga iligal ang ila operasyon.
Sa karon, padayon gihapon ang pag imbestgar sang ahensya sa mga edipisyo kag mga devices agud mahibal-an ang mga iligal nga aktibidad nga ginahiwat sang kompanya.
