Nanindugan si anay Presidente Rodrigo Duterte nga indi ini magpangayo sang pasaylo sa war on drugs sang iya admnistrasyon.
Si Duterte ang nagtambong sa hearing sang Senate blue ribbon subcommittee kag nagpangabay sa panel nga maga serbe ini nga testigo.
Gindepensahan ni Duterte ang kapulisan nga nagpatuman sang gyera kontra droga kag gin ako ang responsabilidad sa sini nga kampanya sa idalum sang iya pagpamuno.
Suno kay Duterte, iya gina ako ang legal responsibility sa nahimo sang pulis base sa iya nga mando.
Suno kay Duterte, iya ginpatuman ang drug war para ma proteksyunan ang mga Pinoy kag ginhatag ang ikasarang para ma solusyunan ang problema sa illegal nga droga sang pungsod.
Dugang pa ni Duterte, iya man ginhambalan ang mga pulis kag soldado nga indi pag abusuhon ang ila otoridad sang ini nagserbe bilang Mayor sang Davao City kag sang nagpungko bilang Presidente.
Suno pa kay Dutete, responsibilidad sang pulis nga magbato sa tion nga indi magsungka ang mga kriminal.
Sa record sang gobyerno, kapin 6,200 ka mga drug suspects ang napatay sa operasyon sang pulis sang Hunyo 2016 tubtob Nobiembre 2021.
