KORONADAL CITY – Ginpasiguro sang pamunuan sang Police Regional Office (PRO) -12 nga mangin luwas sang tanan kag mangin maayo sang siguridad sa tion sang undas o All Souls/All saints day.
Ini ang nangin pahayag ni PRO-12 Regional Director PBGeneral James E. Gulmatico.
Ginpahayag pa sini nga ang mga pulis ang igapalapta sa nagkalain-lain nga pampubliko kag pribado nga mga sementeryo kag Columbaria agud masiguro ang ikaayo kag kaluwasan nga publiko sa tion nga magpadulong ang mga ini sa pagbisita sa pantyon sang ila mga pinalangga sa kabuhi nga nagtaliwan na.
Ginpahayag man sini nga sa adlaw sang undas , ginadumilian gid sa sulod sang sementeryo ang pagsugal, makahulubog nga ilimnon kag mga patalom ukon anu man nga sahi sang armas-luthang.
Suno pa sa opisyal, magabutang man ang otoridad sang “police assistance desk” sa mga sementeryo agud mangin madali para sa publiko ang pagpangayu sang bulig sa tion sang emerhensiya.
Ginpahayag man sini nga target sang kapulisan ang “zero crime rate” sa tion sang todos los santos kag undas.
Naga panawagan man ini sa tanan nga magkooperar sa mga otoridad sa tanan nga tion agud nga masiguro ang siguridad sang tanan
