Indi ang Senate Committee on Women, Children, Family Relations and Gender Equality ang magadesisyon kun guilty ukon indi si Pastor Apollo Quiboloy.
Ini ang sabat sang Kingdom of Jesus Christ leader sa mga akusasyon nga ginahambal batok sa iya sang mga anay katapo sang ila nga relihiyon.
Suno kay Quiboloy, kinahanglan pamatud-an sang mga victim-survivors sa korte ang ila mga akusasyon para madepensahan niya ang iya nga kaugalingon.
Gintawag pa sang pastor nga “trial by publicity” ang pag-imbestigar sang komite bangu wala sila sang resource person sa hearing bangud puro naga-akusar sa iya ang mga ginapa-gwa sang Senado.
Samtang ,ginpanginwala sini ang mga mabug-at nga alegasyon sa iya pareho sang sexual abuse kag iban pa.
Apang sa bahin ni Sen. Risa Hontiveros, normal lang sa gina-akusar ang pagpaninwala bangud ini ang paagi sang mga ini para makalikaw sa pagsabat sa layi.
