Nagapati si Senator Erwin Tulfo nga dapat magpabilin nga miyembro sang mga Senate committee sanday Senators Jinggoy Estrada kag Rodante Marcoleta, apisar yara sila subong sa prisuhan.
Apang, indi sila dapat tugutan nga magboto sa mga committee proceedings, suno sa senador.
Ginhimo ni Tulfo nga example ang kaso ni anay senador kag kasatangan nga Mamayang Liberal Party-list Representative Leila de Lima, nga anay miyembro sang Senate committee samtang detained.
Suno kay Tulfo, nakapasa kag nakasumiter gihapon sang mga hagna si de Lima, apang indi siya makaboto bangud indi siya makatambong sa mga sesyon samtang yara sa prisuhan.
Gani, ginpahayag ni Tulfo nga amo man sini dapat ang pagtratar kanday Estrada kag Marcoleta.
Madumduman nga yara sa detention si Marcoleta may kaangtanan sa P75 milyon nga plunder case, samtang si Estrada naman detained bangud sa P573 milyon nga plunder case kag mga kaso nga graft.
