Napagwa sang proweba ang Ukraine Center for Strategic Communications and Information Security sang isa ka video nga nagapapakita sang presensiya sang mga suldado halin sa North Korea nga nagakuha sang military fatigue uniforms sa sulod sang isa ka Russian military base.
Suno kay Ukraine Center for Strategic Communications and Information Security Ihor Solovey, nakwa nila ang nasambit nga video halin sa ila nga sarili nga sources amo nga indi nila pwede iditalye ang nasambit nga video.
Suno naman sa military intelligence sang Ukraine na si Kyrylo Budanov, ginabanta yara sa 11,000 nga mga North Korean soldiers ang nagpaidalom sa training sa may hilagang bahagi sang Russia.
Yara sa 2,600 sini ang igapadala sa Kursk region sang Russia.
Madumduman may ara sang kasugtanan ang Russia kag North Korea para sa isa ka strategic partnership partikular sa military assistance.
