KORONADAL CITY – Ginbawian sang kabuhi ang isa ka pulis matapos nga mainvolbar sa nagluntad ang aksidente sa dalanon sa bahin sang national higway Purok 2, Barangay Glamang, Polomolok, South Cotabato pasado alas-2, Miyerkules sang hapon, Oktubre 16,2024.
Ginkilala sang Polomolok PNP ang napatay nga si Patrolman Fahad Asmi Masula, 25 anyos, residente sang Barangay Cacub, Koronadal City kag nakadestino sa RMFB 12.
Sa imbestigasyon sang kapulisan, padulong sa General Santos City ang ginamaneho nga salakyan ni Fahad samtang padulong naman sa siyudad sang Koronadal ang isa ka dump truck nga ginamaneho sang isa ka Ronnie Anggot Torino nga naka-head-on collision sini.
Sa kabaskog sang impact, naipit pa si Patrolman Masula sa driver seat kun diin nangin mabudlay ang pagkakas sa iya.
Sa karon, nagapadayon ang imbestigasyon sang mga otoridad sa nagluntad nga maduguon nga aksidente.
