Gintawag nga isa lamang ka imahinasyon ni anay presidential chief legal counsel Salvador Panelo ang pahayag nga may kaangtanan sa bayranay kag reward system sa pagpatay sa mga drug suspects sa idalum sang administrasyon ni Duterte.
Ini matapos, sang ginbuyagyag ni retired Police Colonel Royina Garma nga ginsugo ini ni anay President Rodrigo Duterte nga mangita sang opisyal nga amu ang mapatuman sang “Davao model” sang war on drugs sa national scale.
Ginpanginwala naman ni Panelo ang mga nangin pahayag ni Garma natuhoy sa gina-alegar nga meeting ang natabo sang Mayo 2016, isa ka bulan antes magpungko bilang presidente si Duterte sang Hulyo 2016.
Bangud sini, ginpahayag ni Panelo nga ang ihibalo ni Garma sa gina-alegra plano sa pagbato sang iligal nga droga ang huring-huring lamang kag wala ini sang personal nga ihibalo angut diri.
