Magaumpisa na nga magnaog ang presyo sang bugas sa tunga sang bulan sang Oktubre sa karon nga tuig.
Gintawag ini ni Department of Agruculture Sec. Francisco Tiu Laurel bilang “fearless forecast”.
Ginpa-athag sang sini nga ubos na ang una nga stock sang bugas nga mataas ang kantidad kag maislan ini sang masbarato nga mga bag-o nga stock.
Ginhalimbawa sini nga kung sa karon yara sa P50 kada kilo ang presyo sang bugas, dapat nga magnubo ini P45 kada kilo sa masunod nga bulan.
Sa hearing sang Senado, ginsiling ni Sec. Laurel nga mabatyagan ang full effect sini sa Enero 2025.
Una na nga ginbalita sang Philippine Statistics Authority nga magnubo ang presyo sang bigas nga nagresulta sa mas mahinay nga inflation rate sang pungsod nga yara sa 1.9% sang Setyembre.
