Gin-anunsyo sang Philippine Statistics Authority (PSA) nga liwat nga naghinay ang inflation ukon ang hulag sang presyo sang mga balaklon kag serbisyo sa pungsod sa bulan sang September sini nga tuig.
Suno kay PSA Chief kag National Statistician Claire Dennis Mapa, nagnubo sa 1.9% ang September inflation halin sa 3.3% inflation sang August.
Pahayag ni Mapa, yara na sa 3.4% ang average inflation sa pungsod halin sang January tubtob September.
Paathag sang opisyal, nagapanguna nga rason sa paghinay sang lebel sang inflation amo ang mas mahinay nga paghulag sang presyo sang food and non-alcoholic beverages nga may 4.9% inflation lakip na ang bugas kag kamatis.
Naghinay man ang inflation sa transport partikular sa presyo sang gasolina kag diesel pati na sa LPG kag sukot sa kuryente.
