Ginpahayag sang Department of Migrant Workers nga wala sang pilason nga mga Pilipino nga OFW pagkatapos naglansar ang Iran sa pagpalupok sang missiles sa Israel sini nga semana.
Base sa Iranian state media report, 200 ka missiles ang napalupok, kalakip ang hypersonic weapons sa pinaka-una nga tion,ini ang balos sa pagpatay sang Israel sa kay Hezbollah leader Hassan Nasrallah sang nakaligad nga semana kag sa kamatayon ni Hamas leader Ismail Haniyeh sa Tehran bombing nga ginbasol sa Israel.
Ginpahayag naman sang Israeli military nga ang gina target sang mga militar ang ground raids sa South Lebanon.
Samtang ginpauntat naman sang DMW ang deployment sang Filipino workers sa Lebanon, sa diin ginpaidalom sa Alert Level 3 bangud sa nagapadayon nga kinagamo.
