Ginsaylo na sa kustodiya sang Bureau of Jail Management and Penology (BJMP) ang lima ka mga kaupod nga akusado ni anay Bamban, Tarlac mayor Alice Guo.
Suno kay BJMP Spokesperson JSupt. Jayrex Bustinera, nga halin sa detention facility sang National Bureau of Investigation (NBI), ginpriso na ang mga ini sa jail female dormitory sa Pasig.
Pahayag ni Col. Bustinera, nalakip sa mga ini sanday Thelma Laranan, Rachelle Joan Carreon, Rita Yturralde, Rowena Evangelista, kag Jamielyn Cruz.
Nalakip sila sa mga ginkasuhan sang qualified human trafficking sa Pasig City Regional Trial Court (RTC) nga naangut sa na-raid nga Philippine Offshore Gaming Operators (POGO) sa banwa sang Bamban, Tarlac.
Una nga nagsungka sa NBI ang lima ka mga akusado matapos nga magpagwa sang arrest warrant ang Pasig RTC Branch 167 sang September 19.
Duha naman sa pito ka mga suspek ang yara sa kustodiya sang Anti-Organized Crime Task Force.
Sa nasambit nga mga kaso, nalakip man sa mga akusado si anay Technology and Livelihood Resource Center (TLRC) Chief Dennis Cunanan kag 12 pa ka mga executives sang Zun Yuan Technology Inc.
