Madamo ang nakit-an nga basura nga may Chinese markings sa baybayon sang Pag-asa Island sa West Philippine Sea nga suno sa eksperto, ini ang delikado sa marine life sa isla.
Sang nagbisita ang local kag international teams sa lugar, nakit-an ang madamo nga botelya kag karton sang ilimnon nga na-anud sa baybayon sang isla.
Ini ang kadungan sang pagpabilin sang indi magnubo sa 12 ka maritime militia vessels kag isa ka China Coast Guard ship nga nagapabilin sa vicinity sang Pag-asa nga may distansya nga 4 nautical miles.
Suno kay Marilou Vales nga coordinator sang Pag-asa Island, nagapatigayon sila sang coastal cleanups duha ka beses sa tagsa ka bulan bangud sa amo nga sitwasyon.
Sa pinakaulihi nga cleanup sang Septyembre lamang, ginpahayag niya nga natipon sang mga residente ang 36 ka mga sako sa duha ka oras nga event nga kalabanan nagikan sa Chinese vessels.
Ini ang nag-apekto na sa environmental protection sang isla.
Suno naman sa isa ka marine scientist nagikan sa University of the Philippines Diliman nga si Prof. Jonathan Anticamara, ang basura sa coastal ang delikado para sa kabuhi sang corals sa palibot sang isla.
